Home / Farmaajo / Gaashaanle Sarre Cabdilaahi Kashifay Arrintii Kufsiga Ee Farmaajo Gaystay 1986-87.

Gaashaanle Sarre Cabdilaahi Kashifay Arrintii Kufsiga Ee Farmaajo Gaystay 1986-87.

Waxaa isa soo taraya, aragtiyo qaar ka mid ah dadka shicibka ah ay ka bixinayaan  fal-dambiyeedyo kufsigu ka mid yahay oo lagu eedeynayo inuu geystay 1986-1987-meeyadii Madaxweyne MC Farmaajo.

G/sare C/llaahi C/raxmaan oo ka mid ahaa saraakiishii ciidamada booliska Soomaaliya burburkii ka hor, ayaa sheegay inuu ka mid ahaa koox saraakiil ah oo loo xilsaaray in ay baaraan gal-dacwadeed kufsi oo lagu soo eedeeyey dhalinyaro uu ka mid ahaa MC Farmaajo, wuxuuna ku nuuxnuuxsaday in dhalinyaradaas oo u badnaa qoyskii xilligaa madaxda dalka ahaa in Magaalada ay ka geysan jireen tacadiyo ka dhan ah xuquuqda aadanaha.

SIDEE U DHACAY KUFSIGA ?

Waxay aheyd intii u dhaxeysay sannadihii 1986-1987 waxuuna Kiiskaan Kufsiga ah uu ka dhacay magaalada Muqdisho ee caasimada Soomaaliya, waxaana gaystay Saddex Dhalinyarro ah oo xiligaasi Aabayashood ahaayeen Madaxda dowladii Maxamed Siyaad Barre.

Gabadha la kufsaday ee la dilay waxaa lagu magacaabi jiray Faadumo Careys Ciise Kaarshe waxayna kasoo jeeday Beesha Beesha Awrtable (Yuusuf Daarood) waxaana dhalay Abwaankii weynaa ee Careys Ciise Kaarshe waxayna la dhalatay Gabadh Xildhinaabad ah oo hadda ku jirta Barlamaanka Soomaaliya laguna magacaabo Sacdiyo Careys Ciise Kaarshe.

Gabadhaan la kufsaday ee Faadumo Careys Ciise Kaarshe waxa ay laheyd Imtixaan xiliga la kufsanayay waxayna dhiganaysay Jaamacada Gaheyr waxaana u tagay wiil uu dhalay Wasiirkii Maaliyadda Soomaaliya Maxamed Sheekh Cusmaan oo Beesha Murusade/Hawiye kasoo jeeda kaasoo lagu magacaabo Meekal Maxamed Sheekh Cusmaan “Meekal Jiis” waxuuna Gabadha ku yiri waxaan kuu hayaa Waraaqaha Qishka Imtixaanka oo Macalimiinta laga helay waan kusoo siinaya na keen waxuuna kusoo qaaday Baabuur isagoo keenay meel ay kusii sugayeen labo Dhalinyaro ah oo Saaxiibadiisa ahaa.

AKHRISO: Buugii Uu Qoray Farmaajo Ee Qabiilada Uu Ku Aflagaadeeyay {Qabyaaladiiste Hogaan Ma Noqon Karaa?}

Labadaasi Dhalinyarada ah ee sugayay Meekal Jiis waxa ay kala ahaayeen Maxamed Cabdilaahi Farmaajo iyo Maxamed Cabdi Xoosh oo labadaba Beesha Mareexaan/Daarood kasoo jeeda aadna loogu yaqaanay magaalada Muqdisho xiligaasi oo ahaayeen Dhalinyarada Madaxdii Kacaanka ay dhaleen ee sida weyn ugu tuman jiray Xamar.

Gabadhii saddexdaasi Dhalinyarad ah ayaa Kufsadeen kadibna waa ay dileen iyadoo lagu wareersan yahay in lagu dilay Bistoolad uu watay Meekal Jiis ama Mindi balse Meydkeeda ayay ka carareen iyadoo maalintii labaad markuu kufsiga dhacay la helay Meydka Marxuumad Faadumo Ciise Kaarshe.

Maalintii labaad ayaa Radio Muqdisho abaarihii 2-duhurnimo laga sheegay inuu Kufsigaasi dhacay waxaana si deg-deg ah ciidamada usoo qabteen Meekal Maxamed Sheekh Cusmaan “Meekal Jiis” oo xabsiga la dhigay oo Gabadha Saaxiibadeed Gahayr isla dhigan jireen ay sheegeen in Meekal Jiis uu ugu jimid Jaamacada uuna soo kaxeeyay Marxuumada la kufsaday.

Maalintii ku xigtay maalintaasi ayaa waxaa si deg-deg ah dalka loogu dhoofiyay Maxamed Cabdilaahi Farmaajo iyo Maxamed Cabdi Xoosh, xiligii Farmaajo iyo Saaxiibkiisa la dhoofinayay waxaa Airport-ka Muqdisho haystay oo Maareeyaha Airport-ka ahaa Marxuum Cabdilaahi Maxamed oo ahaa Madaxweyne Farmaajo aabihiis, waxaana labada Wiil loo diray dalka Mareykanka.

Maxkamada Gobalka Banaadir waxaa lasoo istaajiyay Meekal Maxamed Sheekh Cusmaan “Meekal Jiis” waxuuna Meekal isku difaacay inuusan isaga Kufsan oo uusan Dilin Gabadha balse labadaasi Nin ee Saaxiibadiisa ahaa ay isaga Lacag ku siiyeen inuu Gabadhaasi Jaamacadda kasoo saaro uuna u keeno kadibna uu isaga tagay markuu u keenay uusana la socon waxa meesha ka dhacay.

Qaadida Maxkamada Gobalka Banaadir ayaa markaasi Dacwada halkaasi ku xiray isagoo ku andacooday ilaa labada Wiil ee baxsaday la keeno inuusan Dacwadaasi qaadi doonin waxuuna sii daayay Meekal Kiis, waxaana arrintaasi ay qabsatay Dhagaha Shacabka Xamar ku noolaa waxaana la awoodi waayay in Kiiskaasi si cadaalad ah lagu kala baxo maadaama Wiilasha falka gaystay ay ahaayeen Wiilal ay dhaleen Madaxdii Kacaanka.

Dagaaladii sokeeye ayaa dalka ka dhacay Maxamed Cabdilaahi Farmaajo iyo Saxiibadiis-na Reero ayay yeesheen arrintiina waxay noqotay mid la iska hilmaamay balse markii 2009 loo magacaabay Ra’iisul-wasaaraha Soomaaliya ayaa waxaa durba Shacabka Soomaaliyeed xasuusteen inuu ahaa ninkii falkaasi kufsiga, dilka iyo baxsadka gaystay oo ah saddex dambi oo aad u waa weyn, waxaana Gabadha reerkeeda qaar ka tirsan ay Dacwad ka fureen Maxkamada dambiyada Adduunka ee The Hague ee dalka Holland.

Sannadii 2010 ayaa Madaxweynaha xiligaasi ee Soomaaliya Shariif Sheekh Axmed waxa ay Maxkamada The Hague soo gaarsiisay Waraaq ay ku cadeyneyso in Ra’iisul-wasaarihiisa Farmaajo Dacwad ay ka taalo Maxkamadaasi loona baahan yahay inuu yimaado Maxkamada isna difaaco, waxuuna Madaxweyne Shariif ku amray Farmaajo inuu iscasilo kadibna uu tagao The Hague, taasoo uu Farmaajo ka madax adeegay labada masuulna uu khilaaf xoogan ka dhashay.

AKHRISO: Maxaad Ka Taqaan Taariikhda Shaqsiyaadka Hormuudka Ka Ah Ololaha Doorashadda Musharax Farmaajo.?

Shariif Sheekh Axmed ayaa xiligaasi waxuu la tashtay Shariif Xasan Sheekh Aadan oo ahaa Saaxiibkiisa waxayna labadoosa kulan Qado ah kula yeesheen Farmaajo Villa Soomaaliya iyagoo ka dhaadhicin waayay inuu The Hague tago oo Isdifaaco taasoo u muuqatay inuu Farmaajo ka cabsanayay in dambigaasi lagu helo lana xukumo, waxuuna Shariif is tusay in Dowladiisa sumcad xumo xoogan soo wajahayso hadii arrintaan ay sii socoto oo jawaab la siin waayo Maxkamada waxuuna khilaaf la kala dhex dhigay Farmaajo iyo Barlamaanka taasoo markii dambe Farmaajo uu ku baxay.

Xiligaasi Shariif Sheekh Axmed Madaxweynaha ayaa ee Farmaajo Maxkamada The Hague lagu dacweynayay waxaa howshaasi lug ku laheyd Xildhibaanad Sacdiyo Careys Ciise Kaarshe balse hada markuu Madaxweynaha noqday oo qaar kamid ah Ehelada gabadhii la xoogay la xiriireen Walaasheen Xildhibaanad Sacdiyo ayay diiday inay kala qeyb-gasho Dacwada cusub ee Maxkamada The Hague looga furayo Madaxweyne Farmaajo taasoo u eg in Xildhibaanada afkeeda la qabtay oo Lacag la siiyay, balse waxaa jira qaar kamid ah Ehelada Gabadha la xoogay oo aan ogolaaneyn Af-qabasho kuna nool dalka Holland oo arrintaan u ololeynaya.

Si kastaba ha ahaatee, waxaa si weyn looga fajacsan yahay in Madaxweynaha xiligaan ee Soomaaliya Maxamed Cabdilaahi Farmaajo uu yahay nin hore Kufsi, Dil iyo Baxsad ugu geystay Soomaaliya waxuuna xilkiisa ku weyn karaa hadii Maxkamada The Hague lagu furo dacwadaasi looguna yeero taasoo Dastuuurka Soomaaliya uu qabo inuusan dalka hogaamin Karin qof Dacwad noocaas ah lagu soo eedeeyo waxuuna markaasi ku qasbanaanayaa inuu iscasilo uu tago Maxkamada The Hague isna difaaco oo Qareen uu qabsado hadii dambiga lagu helana uu muteysan karo Xabsi daa’in ama Dil.

Leave a Reply